3個優質親子互動遊戲推介
2022-06-30
《有誰共鳴》訪問：讀寫困難需要大家包容和支持
2022-07-18
[vc_row][vc_column][vc_single_image image=”15824″ img_size=”600X600″ alignment=”center”][vc_column_text]博思會舊生舊生鄔沛延 (Julia) 患有ADHD(專注力失調) 及讀寫困難，這些障礙其實並不罕見，但卻經常被大眾誤解以及被不當處理。 幸好，Julia 得到媽媽的悉心教育及諒解，使她可以繼續經營優質的生活以及自我實現的人生。 早前她接受商業電台《有誰共鳴》訪問，分享如何和家人相處。[/vc_column_text][/vc_column][/vc_row][vc_row][vc_column][vc_separator color=”pink” border_width=”3″][/vc_column][/vc_row][vc_row][vc_column][vc_column_text el_id=”1″]
— 第一節 —
[/vc_column_text][/vc_column][/vc_row][vc_row][vc_column width=”1/2″][vc_single_image image=”15799″ img_size=”600X600″ title=”01. Scars to Your Beautiful”][/vc_column][vc_column width=”1/2″][vc_single_image image=”15801″ img_size=”600X600″ title=”.”][/vc_column][/vc_row][vc_row][vc_column][vc_column_text]媽咪喺我好細個嘅時候就同爸爸離咗婚，係媽咪一手養大我，所以我同佢嘅感情特別深厚。依家諗返嗰陣時，媽咪對我嘅教育方針已經好超前，佢認為人要趁細個多啲接觸唔同嘅嘢，搵到自己擅長同唔擅長嘅嘢，先至可以發揮到自己嘅潛能。雖然嗰陣我哋冇乜錢，但係佢都好鼓勵我，搵咗好多唔同嘅活動比我參加，例如婦女會、教會或者學校課外活動等等。
媽咪亦都無忘記發展佢自身嘅興趣，佢最熱愛就係朗誦，佢而家甚至成為咗一位好出色嘅朗誦導師。喺佢嘅影響下，我自少就參加咗好多大大小小嘅朗誦或者演講比賽。喺媽咪嘅帶領下，我甚至有幸獲得過兩次全港總冠軍，更試過代表香港、台灣及內地出賽，不過喺光榮嘅背後，其實我係一名患有ADHD嘅小朋友。
以我為例，我同時被診斷有專注力不足、讀寫困難同埋過度活躍症，所以對我呢啲同學仔來講，平日上堂以及功課嘅壓力，係一座難以跨越嘅大山。不過可能媽咪細個已經觀察到我有呢方面嘅問題，佢嘅教育方針就成功令到我喺學業以外嘅地方搵到成就感同自信心。我一路以嚟嘅升學歷史，我嘅學業成績唔係好出色，最多只可以話係中等嘅水平，但係因為我有好豐富嘅得獎經歷，所以學校好願意為我打開大門。
今日我就想同大家介紹 “Scars to Your Beautiful” 呢首歌，其實每一個人或多或少都有對自己唔滿意嘅地方，尤其係同我一樣喺某方面有缺陷嘅朋友。我想同你哋講，唔好因為咁樣而自卑，上天為我哋關咗扇窗，一定會留返對門俾我哋，至於搵唔搵到就要靠你自己嘅努力！Scars to Your Beautiful呢首歌正正就係同我哋講要去愛自己，無論點樣，你都可以活出你自己鍾意嘅人生！
[/vc_column_text][/vc_column][/vc_row][vc_row][vc_column][vc_separator color=”pink” border_width=”3″][/vc_column][/vc_row][vc_row][vc_column width=”1/2″][vc_single_image image=”15803″ img_size=”600X600″ title=”02. 生如夏花 “][/vc_column][vc_column width=”1/2″][vc_single_image image=”15805″ img_size=”600X600″ title=”.”][/vc_column][/vc_row][vc_row][vc_column][vc_column_text]剛才我都有提到，我同媽咪嘅感情好深厚，因為佢對我嘅養育以及教育之恩，我先可以有今日嘅成就，跟住落嚟我想介紹一首媽咪最鍾意嘅歌 — 《生如夏花》。呢首歌用咗優美嘅歌詞，表達生命就好似夏花一樣咁燦爛，同時感概生命好短暫。我覺得呢首歌講得幾有道理，的確人生再世我哋就應該要多啲去嘗試唔同嘅嘢，令自己開下眼界，喺認識世界嘅同時，亦都去認識吓自己。
呢一點我就好同意我媽咪以前嘅教育方針，生命真係好短暫，可能聽日就會唔知發生乜嘢事而離開咗… 突發嘅嘢我哋冇辦法預測，我哋可以做嘅就係活在當下。
我希望你哋喺欣賞《生如夏花》歌曲嘅同時，都諗吓自己有冇嘢係一直想做，但又因為各種原因而唔敢去做？再思考下生命咁短暫，比起嗰啲會令你卻步嘅原因，自己係咪應該要再踏出一步，去活出同夏花一樣燦爛嘅人生？咁咪唔會後悔，亦都可以叫做不枉此生囉！
[/vc_column_text][/vc_column][/vc_row][vc_row][vc_column][vc_separator color=”pink” border_width=”3″][/vc_column][/vc_row][vc_row][vc_column width=”1/2″][vc_single_image image=”15807″ img_size=”600X600″ title=”03. 信，寫給15歲的自己”][/vc_column][vc_column width=”1/2″][vc_single_image image=”15809″ img_size=”600X600″ title=”.”][/vc_column][/vc_row][vc_row][vc_column][vc_column_text]或者大家為咗生活而頻撲，好多時已經忘記咗自己嘅初心，甚至可能迷失咗方向，搵唔返自己！跟住落嚟介紹一首日文歌，中文譯名叫《信，寫給15歲的自己》，首歌嘅靈感係嚟自作曲者媽媽搵返作曲者15歲寫比自己嘅一封信，而媽媽就將佢作為生日禮物送返比作曲者。當時作曲者30歲收到呢封信就覺得好感觸，有感而發就寫咗呢一首歌。
我覺得呢首歌除咗好聽之外，更多係回顧返自己年輕時候嘅感覺，令我覺得好吸引。我就喺度諗：其實我而家21歲都算後生，咁不如我又試下寫返封信比自己，等50歲後自己再睇返封信，應該都會有好多好有趣嘅感受！所以我就建議仲係年輕嘅大家可以試吓咁做，記住一定要忍住唔好打開封信，如果唔係就冇意義㗎喇！
對於大朋友，可能佢哋以前冇寫過一封咁樣嘅信，但係我覺得都唔會妨礙你哋去回憶下曾經嘅自己，再睇返依家嘅狀況，諗吓自己仲有冇保留到當初嘅初心？定抑或已經睇唔到當初嘅痕跡？
[/vc_column_text][/vc_column][/vc_row][vc_row][vc_column][vc_separator color=”pink” border_width=”3″][/vc_column][/vc_row][vc_row][vc_column width=”1/2″][vc_single_image image=”15811″ img_size=”600X600″ title=”04. The Nights”][/vc_column][vc_column width=”1/2″][vc_single_image image=”15813″ img_size=”600X600″ title=”.”][/vc_column][/vc_row][vc_row][vc_column][vc_column_text]跟住落嚟我想介紹嘅歌叫The Nights，成首歌都係滿滿嘅正能量，歌詞大概係叫我哋要活在當下，過一個冇遺憾嘅人生。但其實呢首歌嘅演唱者已經喺2018年過咗身，當時佢只得28歲，原本佢係一個充滿天份，大家都睇好佢，欣賞佢嘅明日之星，可惜事與願違，當時嘅佢受到情緒嘅困擾，最後選擇咗自殺身亡…
近年香港受到社會問題同疫情嘅雙面打擊下，唔少人都患上咗唔同程度嘅心理疾病。如果咁啱你都喺度承受咁煎熬，聽到我呢一段說話，我想藉住《有誰共鳴》呢個平台話比你聽，你唔係自己一個人，因為我喺高中嘅時候都被診斷患有焦慮症。
嗰陣時我都有差唔多成一年幾無返過學，對於一名即將考DSE嘅學生來講，實在係一個好沉重嘅打擊。因為高中係備考嘅黃金階段，老師喺呢段時間會教你好多考試技巧同埋重點，但我就喺呢個時候患上焦慮症，只要一有啲壓力，個肚就痛到起唔到床，更加唔使講要返學，所以嗰陣時都算係我人生入面幾黑暗嘅一段時光。我唔只要受到身體上嘅折磨，仲有精神上嘅折磨，因為嗰陣時當我望住媽咪為我好擔心，但係又無能為力嘅樣，仲有嗰啲望落永遠都跟唔上嘅學習進度，都令到我嘅病情越嚟越差。
不過大家又唔駛為我擔心，我依家可以咁輕鬆同大家分享，全因我已經康復喇！由於時間關係，我會喺下一首歌嘅時間再同大家講吓我係點樣康復，依家請大家收聽The Nights呢一首歌先啦！[/vc_column_text][/vc_column][/vc_row][vc_row][vc_column][vc_column_text]
— 第二節 —
[/vc_column_text][/vc_column][/vc_row][vc_row][vc_column][vc_separator color=”pink” border_width=”3″][/vc_column][/vc_row][vc_row][vc_column width=”1/2″][vc_single_image image=”15838″ img_size=”600X600″ title=”05. 稻香 “][/vc_column][vc_column width=”1/2″][vc_single_image image=”15840″ img_size=”600X600″ title=”.”][/vc_column][/vc_row][vc_row][vc_column][vc_column_text]之前我分享到喺高中時所患有嘅焦慮症，其實當時我未有意識到自己真係咁大壓力，只係個肚成日痛咁啫。媽咪當時帶咗我睇好多唔同嘅醫生，但係佢哋都話我心理上其實都冇任何問題。於是我就去咗睇心理醫生，醫生話我可能係心理壓力所引致嘅問題，之後建議我去睇精神科醫生。去到睇精神科醫生，我就如實同醫生講：「我自己意識上又唔覺得有乜嘢壓力，同埋我以前參加比賽嗰陣都好大壓力，但個肚都冇事喎！依家個肚就係咁痛，睇咗咁多醫生都搵唔到病因，我都唔知點算好呀…」
之後醫生就同我講：「其實好多時候呢啲壓力都係無形，你以為你可以承受到嘅壓力，但係你個身體就好誠實咁話俾你聽都係爭啲㗎喇，所以你一定要學識同壓力相處！」當下我聽到時，就覺得好無奈，心諗壓力連我自己都感受唔到，咁我可以點樣避免？唔通我就咁樣一世？我好唔忿氣，同時亦都覺得好無助。情況最差嗰陣，我覺得我同時都患咗抑鬱症，甚至連帶好擔心我嘅媽咪，都因為咁而出現咗情緒問題。
當時我聽到《稻香》呢一首歌，我就好感慨，因為《稻香》呢首歌就係叫我哋珍惜眼前嘅一切，嗰陣時我就同自己講：「其實我都好幸福吖，媽咪為我付出咗咁多，帶比我咁多美好嘅嘢，我唔可以令佢因為擔心我，而繼續消瘦落去，如果唔係我實在太不孝同埋冇仁德喇！」所以我都希望透過《稻香》呢首歌，比到力量你哋，希望你哋都可以因此受到激勵，勇敢堅持去面對種種困難。[/vc_column_text][/vc_column][/vc_row][vc_row][vc_column][vc_separator color=”pink” border_width=”3″][/vc_column][/vc_row][vc_row][vc_column width=”1/2″][vc_single_image image=”15842″ img_size=”600X600″ title=”06. You know better “][/vc_column][vc_column width=”1/2″][vc_single_image image=”15844″ img_size=”600X600″ title=”.”][/vc_column][/vc_row][vc_row][vc_column][vc_column_text]每個人都有負面情緒，如何消化同面對就係我哋要做嘅嘢。好似我咁，當時我下定決心同自己講，唔可以再因為呢個肚痛而去傷害我愛嘅人與事，所以我冇選擇好似醫生咁建議，同肚痛一齊共存落去，我同自己講，既然醫生都話你生理上冇問題，如果只係心理嘅問題，我應該可以用返心理方法去解決！
之後我就成日同自己個肚傾偈，我當時同自己個肚講：「嗱！我唔知你受到乜嘢刺激係度搞搞震，但係如果唔傾掂數，受苦其實都係我哋自己。我知你想提醒我，叫我唔好有咁大壓力，驚我受唔住吖嘛！但係唔試下又點知呢？你咁樣繼續痛落去，就真係連試都冇得試㗎喇！」嗰段時間我就係用呢個方法去洗自己腦，同時我亦主動去睇好多正面嘅電影，又或者去睇返啲真實嘅成功人士案例，慢慢我就發現，我嘅徵狀越嚟越輕，同埋病發嘅頻率都少咗好多，我開始掌握到我壓力爆煲嗰一點究竟喺邊，當我做嘢feel到差唔多壓力點要爆時，我就同自己講放鬆吓。原來「事在人為」真係得㗎！如果你唔去解決呢個問題，你就會被呢個問題解決！以下呢首歌 “You know better” 就係想鼓勵處於低谷嘅你唔好放棄，其實大家都一齊同你努力緊㗎！加油！[/vc_column_text][/vc_column][/vc_row][vc_row][vc_column][vc_separator color=”pink” border_width=”3″][/vc_column][/vc_row][vc_row][vc_column width=”1/2″][vc_single_image image=”15846″ img_size=”600X600″ title=”07. 弱水三千 “][/vc_column][vc_column width=”1/2″][vc_single_image image=”15848″ img_size=”600X600″ title=”.”][/vc_column][/vc_row][vc_row][vc_column][vc_column_text]剛才都有提到，我會因為壓力而肚痛，後來我開始意識到，當我承受壓力到一段時間，我就應該要停一停，比自己放鬆吓，咁我就唔再有肚痛嘅情況出現。後來我開始接觸到佛學，佢幫咗我好多。其實我自己就冇話會好執着於宗教層面嘅嘢，但係我覺得，如果佢講嘅嘢係有道理，咁點解要同好嘅道理過唔去？我跟住落嚟，我想介紹嘅歌叫《弱水三千》，佢入面參考咗一啲佛家嘅思想，好巧妙利用咗水嘅唔同形態嘅表現，去表達人生不同嘅階段。面對唔同人、唔同嘅事，或者唔同階段，我哋都會有唔同嘅反應同埋諗法，因此我哋唔需要為咗當下嘅事而同自己過唔去，好多時你用唔同角度去睇返同一件事，個感觀已經好唔同㗎喇！就好似我之前咁，因為將成績睇得太重，導致自己患有焦慮症，甚至唔記得咗自己真正擅長同埋熱愛嘅嘢，後來睇開咗，唔單止再冇食藥，開始睇到人生有更加多唔同嘅可能性，了解到讀書真係唔係唯一嘅出路！
其實好多成功嘅人士，都係因為佢哋充分發揮到自己所長，先至可以去到而家嘅高度。雖然道理好似好簡單，但好多時候大家仍然會比情緒影響到，從而失去客觀嘅判斷，繼而鑽牛角尖，形成一個惡性循環。自己痛苦嘅同時，亦會為身邊嘅人帶嚟傷害，所以《弱水三千》呢一首歌就係想同我哋講，唔好俾任何一個形態去控制自己，比情緒去左右，要知道世事無常，只係事在人為！好多時只要唔好執着，睇開啲，然後努力去改善，情況就會慢慢變好㗎喇！喺呢度我都想祝福大家，希望大家搵到自己內心嘅平靜。[/vc_column_text][/vc_column][/vc_row][vc_row][vc_column][vc_separator color=”pink” border_width=”3″][/vc_column][/vc_row][vc_row][vc_column width=”1/2″][vc_single_image image=”15850″ img_size=”600X600″ title=”08. 世上只有 “][/vc_column][vc_column width=”1/2″][vc_single_image image=”15852″ img_size=”600X600″ title=”.”][/vc_column][/vc_row][vc_row][vc_column][vc_column_text]最後我想藉住今次機會，特別多謝博思會呢個慈善機構，唔知大家仲記唔記得，喺節目開始時分享我媽咪以前周圍帶我去搵一啲中心參加各種課外活動嘅？博思會就係專門針對我哋呢啲有特殊學習需要嘅小朋友作出支援嘅一個慈善機構，嗰陣時博思會有好多唔同嘅活動可以參加，例如唱歌、辯論、夾band，仲有中、英、數嘅支援班。要知道我哋呢啲ADHD加上學習困難嘅學生，平時學習真係好難坐定定，仲要可能呢堂交完嘅嘢，下一堂就完全唔記得晒，但係博思會入面啲老師就好有耐性，仲會針對我哋唔同嘅需要，用小班教學嘅模式上堂。喺學習過程中，老師會透過遊戲同獎勵方式去吸引我哋嘅注意，咁我哋就會覺得好好玩，上堂唔再係辛苦嘅事啦！我嘅英文底子都係靠博思會幫我打返好，我仲記得嗰時教我嘅老師叫做Miss Chow！我想多謝佢當時為我嘅付出同埋教導，畢竟嗰陣時我都真係幾曳！所以我想分享《世上只有》作為最後嘅歌。
呢首歌除咗係感謝我媽咪對我一路以嚟嘅陪伴同埋信任，更加係我嗰時喺博思會夾band所學嘅第一首歌，所以對我嘅意義好大㗎！希望大家鍾意啦！[/vc_column_text][/vc_column][/vc_row][vc_row][vc_column][vc_separator color=”pink” border_width=”3″][/vc_column][/vc_row][vc_row][vc_column][vc_single_image image=”15815″ img_size=”600×600″ alignment=”center”][/vc_column][/vc_row][vc_row][vc_column][vc_column_text]
此時此刻，有誰共鳴。
我係鄔沛延，我希望大家可以支持博思會，因為我覺得有一個咁好嘅機構(博思會)專門針對我哋呢啲 (讀寫困難) 特殊學習需要嘅小朋友，去提供一啲幫助係好難得！尤其喺香港呢個填鴨式教育嘅模式下，對於我哋嚟講，真係好痛苦！所以有博思會呢啲機構，提供到針對讀寫困難嘅學習方式俾我哋，對我哋嚟講係一個好難得嘅救命稻草！
[/vc_column_text][/vc_column][/vc_row][vc_row][vc_column][vc_separator color=”pink” border_width=”3″][/vc_column][/vc_row][vc_row][vc_column][vc_cta h2=”支持博思會工作” color=”pink”]博思會致力以專業及實證為本的教學方式，幫助有讀寫障礙嘅兒童跨越困難，重拾學習嘅興趣同自信。博思會擁有中英數及早期讀寫支援嘅專科教師團隊，另有多位長期合作嘅臨床心理學家、教育心理學家、職業治療師同言語治療師作為專業夥伴，為數以百計嘅讀寫障礙學生喺課餘同埋校內提供適切以及持續嘅學習支援、專業評估同埋支援服務。此外，博思會亦都會定期舉辦家長講座活動，同公眾分享有關讀寫障礙嘅最新知識同埋教學嘅心得。[/vc_cta][/vc_column][/vc_row][vc_row][vc_column][vc_btn title=”立即捐款支持” color=”pink” size=”lg” align=”center” link=”url:%2Fsupport-us%2Fdonation%2F||target:%20_blank|”][/vc_column][/vc_row][vc_row][vc_column][vc_separator color=”pink” border_width=”3″][/vc_column][/vc_row][vc_row][vc_column][vc_column_text]
伸延閱讀：
[/vc_column_text][/vc_column][/vc_row]
